شمالی علاقوں میں بارش، برفباری متوقع، کم ترین درجہ حرارت ریکارڈ کیا گیا۔

پاکستان کے محکمہ موسمیات (پی ایم ڈی) نے آئندہ 24 گھنٹوں کے دوران ملک کے بیشتر علاقوں میں موسم سرد اور خشک رہنے کی پیش گوئی کی ہے۔

پی ایم ڈی کے مطابق بلوچستان، خیبرپختونخوا، گلگت بلتستان اور کشمیر میں بارش اور پہاڑوں پر برفباری کا امکان ہے جب کہ بلوچستان کے جنوب sama news مغربی اضلاع میں گرج چمک کے ساتھ بارش کا بھی امکان ہے۔کے مطابق

محکمہ موسمیات کا کہنا تھا کہ اسلام آباد میں تیز ہواؤں اور گرج چمک کے ساتھ بارش ہوسکتی ہے جب کہ مغربی علاقوں میں مطلع جزوی طور پر ابر آلود رہے گا۔

دوسری جانب گزشتہ 24 گھنٹوں کے دوران سب سے کم درجہ حرارت لیہ میں منفی 14 ڈگری سینٹی گریڈ ریکارڈ کیا گیا جب کہ کالام میں منفی 12، استور میں منفی 9 اور مالم جبہ میں منفی 6 ڈگری سینٹی گریڈ ریکارڈ کیا گیا۔

سکردو، گوپس اور ہنزہ میں منفی 5، بگروٹ منفی 4، راولاکوٹ، گلگت اور دیر میں منفی 3 ڈگری سینٹی گریڈ ریکارڈ کیا گیا۔

محکمہ موسمیات کے مطابق کوئٹہ میں درجہ حرارت 1، اسلام آباد 3، پشاور 6، لاہور 9 اور کراچی میں 16 ڈگری سینٹی گریڈ رہا۔